丧母廿年 鮑起靜的遗憾（2）

嘆 母 未 享 福

談 起 亡 母 ， 鮑 姐 尚 有 些 心 願 未 了 ︰ 「 我 好 想 喺 夢 裏 面 親 口 同 媽 媽 講 ： 『 我 好 開 心 自 己 有 咁 嘅 父 母 』 。 八 五 年 媽 媽 中 風 ， 當 時 佢 已 經 七 十 五 歲 ， 我 哋 三 姊 弟 （ 鮑 姐 家 姐 ， 鮑 姐 及 弟 鮑 德 熹 ） 啱 啱 夾 份 喺 置 富 花 園 買 咗 層 樓 俾 佢 ， 裝 修 好 晒 㗎 嘞 ， 想 話 俾 佢 享 仔 女 福 ， 但 阿 媽 就 中 風 ， 一 直 瞓 喺 病 牀 直 至 過 身 。 我 哋 唔 可 以 再 帶 佢 行 街 、 飲 茶 同 旅 行 ， 呢 個 係 為 人 子 女 最 大 嘅 遺 憾 。 阿 爸 （ 鮑 方 ） 亦 響 媽 媽 逝 世 後 一 個 月 中 風 ， 捱 咗 七 年 半 至 過 身 。 最 後 嗰 幾 年 阿 爸 老 人 癡 呆 ， 乜 都 唔 知 。 咁 樣 冇 咁 痛 苦 ， 好 過 阿 媽 病 嗰 陣 乜 都 知 ， 但 完 全 表 達 唔 到 咁 慘 。

「 三 姊 弟 中 我 身 體 最 弱 ， BB 仔 時 有 次 連 續 幾 日 發 高 燒 唔 退 ， 又 成 日 抽 筋 ， 醫 生 話 再 唔 退 燒 死 梗 。 媽 媽 周 圍 問 人 ， 聽 聞 話 用 薑 、 生 葱 同 油 一 齊 按 摩 BB 關 節 會 有 用 ， 佢 就 日 日 夜 夜 幫 我 按 摩 ， 結 果 我 真 係 退 燒 ， 連 醫 生 都 奇 怪 。

「 可 能 因 為 體 弱 ， 父 母 從 未 打 過 我 ， 就 算 我 一 年 班 留 級 ， 佢 哋 都 只 係 鬧 ， 後 來 家 姐 早 婚 ， 細 佬 去 外 地 讀 書 ， 我 同 媽 媽 相 處 時 間 最 多 ， 媽 媽 隨 和 、 爽 快 嘅 性 格 對 我 影 響 最 大 。 父 母 接 住 中 風 嗰 十 三 年 我 好 辛 苦 ， 好 內 疚 。 問 自 己 點 解 喺 佢 哋 仲 精 神 好 時 唔 多 啲 孝 順 佢 哋 ？ 父 母 健 在 時 真 係 要 好 好 錫 佢 哋 ， 因 為 冇 人 知 佢 哋 幾 時 會 有 事 ， 幾 時 會 突 然 離 開 你 。 」