氹老婆的笑話情書 (港式口語風格冩作) - 第二章
2202Feb15 晚上
有一名路過果后鋪面的小五男學生朱仔見到我問, “哥哥知唔知單戀情毒-戇男狂喺乜? 病徵喺乜?” 朱仔人仔細細, 背著厚重的書包, 手上還拿著三本「十萬個為甚麼」, 求知欲甚強, 求人態度誠懇。 呢啲連出名嘅坊間科學期刊牛頓雜誌都無刊登過世上有單戀情毒-戇男狂! 你竟然知道。 好, 我就破例將啲咁高深嘅學問唔收錢講淺白啲,不過要等埋慢四步的母親朱媽行到嚟先講得,始終內容有啲敏感,有家長陪同子女收聽好啲,算我賣大包。小朋友總是心急,朱仔話唔好等, “啞朱媽除咗跳大媽舞和打麻雀會行快啲黎.其它都無興趣”。但我堅持,由於大家是街方,與朱媽打了聲招呼後先至講, “單戀情毒-戇男狂,其實是人類的隱藏性病毒,與生俱來帶毒者多為女性, 部份靚仔亦都有, 但男性35歲前帶病毒量會逐步消㪚為零, 有前藝人公司職員爆料給我, 入行的青少年男女藝人都必須做此病毒檢測作為甄選的重大指標, 越多越有機會爆紅。 女性其實無帶毒年齡限制, 越是接近神級越毒, 傳播力越强, 但隨著神級回落帶病毒量亦會隨之減少。 曾經有一病例, 一名中毒男子將女神親筆簽名照片給同房的男病人炫耀一番時, 令同房其餘九張牀位的男病人既時中毒, 迷戀上同一位女神至後來十人都終身不娶, 至今醫學界未能確定傳播途徑。亦有研究指裙腳仔的成因是母新帶有與生俱來的單戀情毒.導致兒子中毒。病徵方面, 一般男患者對女神千依百順, 任勞任怨,極其專一, 日日希望依傍在女神身邊。與其話係觀音兵, 不如話係生果皇后側耳聽到我地所講而她發表嘅詞彙「戆居」同「死蠢」更貼切。講咗一大堆, 朱媽明顯唔知我講乜, 已經玩緊手機上個打麻雀遊戲, 朱仔就托一托鼻樑上的圓形眼鏡講, “咁就好, 啞朱媽應該一啲毒都無, 咁點解啞朱爸會鐘意啞朱媽呢？果后姐姐就好毒, 我好鐘意妳。” 果后聽到好開心, 彎下腰送上一盒奈良淡雪士多啤梨給朱仔, 並温馨囑咐, “要與家人分享呀”, 朱仔眼碌碌地答, “好”,之後朱媽催促回家,朱仔牽著朱媽手跳步走, 原本厚重的書包頓時變成像棉花糖一樣輕, 前行路上不時揮手回望果后。果后的眼神流露出口罩下掩蓋的甜美笑容。我知道朱仔中了戇男狂, 由嘅行為表徵嚟睇, 是急性深層中毒嗰隻。但無傷大雅, 大家開心就好。我反而羨慕朱仔可以率性而為, 對喜歡的人說出「我好鍾意妳」, 而對方亦樂意接受。元宵佳節買了生果的我, 好想快啲返到屋企, 將連接iPhone的音響音量調到最大播放馬萃如所唱的什麼樣的愛妳才會懂。