一、先唻讲讲单休日搭双休日
据吾查阅历史资料以后侪晓得，吾伲国家从1995年5月1日起，开始勒全国范围内实行“双休日”政策，做五休二，即：每逢礼拜六搭礼拜天为国家个法定假日，勒拉前头，国家执行个却是“单休日政策”哦，做六休一，即：每个礼拜个礼拜天为国家个法定假日。
畀过，勒吾所在个城市上海市，执行双休日政策就要比国家法定个辰光唻得要早交关多。记得，至少是勒1993年个辰光，像吾所在个城市就已经开始实施双休日政策，掰搿辰光吾还勒读初中一年级，除忒礼拜六搭礼拜天放假以外，每个礼拜五个下半日要放半天假。
勒国家实行单休日政策个日脚里向，大人只能休息一天，吾伲那些求学个高中小学生也要比大人多放半天个假期，而且每个区县放半天假个假期是覅相同个。掰搿辰光吾所在个区县川沙县规定高中小学生，每个礼拜五个下半日放半天假。畀过，据比吾年龄还要年长五年个学长告诉吾讲，勒拉掰搿辰光，所谓个学生多放半天个假期，对于一些高中生唻讲，简直就是形同虚设个，因为掰搿辰光高中生个学业亦是邪气辛苦、繁忙、繁重个，伊拉就是生怕辰光覅够用，恨覅得能畀一天个辰光当做两天唻使用，覅管是等到每周周五个半天假期，还是等到国家法定假日礼拜天，伊拉高中生仍旧是要去学堂里上课答疑解惑个，依然要学海无涯苦作舟，直至三年高中毕业结束为止！
据父辈们讲，即便勒国定单休日个日脚里向、即便国家法定个假日是礼拜天休息，畀过勒掰搿辰光覅管是啥人，也覅管从事个是哪能一种行当，也覅是所有个人侪能勒礼拜天休息个，而是需要轮休，轮到侬休息时侪能休息，轮覅到侬时是覅能休息个，若是等到下个礼拜，呒没轮到休息礼拜天个人，只能安排勒礼拜一到礼拜六个辰光段里休息，而且即便是勒礼拜一到礼拜六个辰光段里，覅是侬想休哪一天，就可以休哪一天个，还要根据覅同个工作岗位、人员个多寡，由领导唻安排休息个。除非侬有正当个、迫在眉睫、覅得覅休息个理由，侪有可能勒礼拜一到礼拜六个辰光段里，想休哪一天就休哪一天。
勒那些国定单休日个日脚里向，虽讲国家畀“单休日”定义为“休息”日，好像是勒对老百姓讲，已经勒单位里辛苦劳作六天，迭天仔可以去好好较休息休息！畀过依旧还是呒没办法去好好较休息，平常一到六个日脚，勒单位里向忙碌个不停歇，等到休息日迭天仔，要勒屋里向忙碌覅停歇，要畀休息天掰成好几份围着家务转动。
覅仅是迭能样子哩，吾还听到过迭能个一条历史信息，就勒国家定制并执行单休日个日脚里向，像吾所在个城市里向，虽讲学生要比那些上班个大人们能够多休息半天个辰光，迭个半天辰光也覅是统一固定个，而是由所在区县个教育部门唻认定定制个，有些区县是休息礼拜三下半日，有些是休息礼拜四下半日，凡事种种各有覅同。
二、讲讲申城个“万国旗”
勒国定单休日个日脚里向，每逢到礼拜天，只要是阳光明媚艳阳高照个好天气，便成为绝大多数家庭主妇个主战场，会畀国家个法定休息日当作法定个洗刷日，除忒洗刷以外，买汏烧也是伊拉迭天仔里个重头好戏。之所以要畀“洗刷”搭“买汏烧”侪放勒迭天仔，侪是因为勒掰搿辰光，绝大多数个人家侪是属于双职工家庭，勒平常一到六个日脚，每天侪要早出晚归，上班时只为能早一眼到单位覅至于迟到，下班后恨覅能早一眼回家好烧夜饭，光光去轧交通个辰光，每天仔起码要花忒两三个钟头到三四个钟头，平均一天下唻，即便是勒十分顺利个情况，正常个上下班辰光也要勒三个钟头左右，所以根本是唻覅及去做家务个，就算是那些交关要干净爱清洁个人家也是迭能样子个，勒平常个日脚里向只能是睁一只眼闭一只眼个得过且过！
一到洗刷日，尤其是住勒市区里向个居民，必定会发生用水困难个状况，侪是因为勒掰搿辰光市区个居民住房条件侪邪气狭小，真可谓是螺丝壳里做道场，多数人家个厨房间、刷洗（水）池、洗手间是要搭周遭个邻居合勒一道使用个，哪怕是顶少个，至少也要两家人家合勒一道使用，勒洗水池个上方则会挂满每户人家个水龙头，必定要等到前面一户人家使用好，侪能轮到自家去使用，故而一旦要使用刷洗（水）池个辰光，还要搭周遭个邻居商量好哪能唻分配使用。
吾至今为止还能记得迭能个一桩事体唻，就勒国定单休日个里向，还勒掰搿辰光，每户人家侪是呒没单缸或双缸洗衣机个，勒汏四季衣裳或屋里床（被）单子个辰光，一切侪要依靠自家个双手去劳作出唻个，顶多也就外加一块汏衣裳搓板而已。吾所在个城市又畀叫作“申城”，曾经也有过“一道靓丽个风景线，勒市区里向到处侪悬挂着‘万国旗’”。所谓个“万国旗”是指当年上海原住民将自家个衣物床（被）单晾晒勒外头形成个独有个生活场景。真个可以讲是“林林总总”“万花齐放”，只要是礼拜天，还只要是勒阳光明媚艳阳高照个好天气，勒各式各样个大小弄堂里向、勒各条大小马路上头、树木搭树木之间，鳞次栉比个扎起粗绳子，绳子个上头处处侪会挂满换洗个衣物、床（被）单，远远较看上去就好像是勒悬挂万国旗一样。
上海电视台有一档节目叫做“上海故事”，讲个就是上海个历史以及各类人事物情，其中有一集专门记录有“申城悬挂万国旗”个场景，而且还讲“悬挂万国旗”是长盛覅衰个。也曾有人呼吁道，“悬挂万国旗”绝对是一种顽疾搭陋习，到处侪悬挂着万国旗，覅仅显得杂乱无章，还有碍观瞻，搭上海是个国际性个大都市是覅相称个，要改忒迭种覅文明个现象……殊覅知，其实就是上海市民实实在在个日常生活，“悬挂万国旗”是由最初个建筑理念、建筑样式、人口变化因素、所处个年代，是邪气紧密个联系勒一道个，是呒没办法个办法，更是覅得已而为之，要是每户人家个屋里侪有晾晒悬挂衣物个地方，绝对是覅可能到处去“悬挂万国旗”个。即便今早仔个上海已经步入到现代化，勒市区里向还保留（存）着覅少个石库门房子，仍然呒没改变老底子“悬挂万国旗”个习惯。勒许多个弄堂口里，还是有交关多“悬挂个万国旗”，还依旧能够看到居民们公开晾晒个衣物。
还需要去讲清爽个事体到底会是啥么事？！迭个就是－－如若是家庭主妇勒单休日里向覅劳作覅洗刷，又如若是勒冬天时节，就会三五成群个聚集勒一道，一边晒晒太阳结结各种绒线衫，一边谈家常，山南海北个讲讲张家长李家短，以及自家所了解个各种趣闻轶事。覅仅仅是迭能，伊拉相互之间还会交流着哪能侪畀绒线衫编织好。
三、讲讲普通老百姓勒单休日里向做点啥么事
那些家庭主妇勒洗洗刷刷个辰光，嘎么那些男人又会勒忙眼啥么事？！其实伊拉也呒没闲着，有些男人勒卖力个擦着车；有些动手能力交关强、会眼三脚猫功夫个男人，则勒干其他修修补补方面个家务活；有些会眼水木泥工个男人，就会自己设计动手做起家具……
所谓个“车”就是指“自行车”。中国曾经畀全世界号称为“自行车”王国，勒那些只有国定单休日个日脚里向，老百姓个日常出行，若依靠自行车就能解决出行个，就坚决覅会去乘坐啥个公交车哦，迭能唻做个一个目的，为个就是能畀屋里省眼铜钿钱，能省一钿是一钿，只因为勒掰搿辰光，每户人家个经济条件侪是属于并覅是交关好，而且相互之间收入等级也侪是属于相差无几个。加之勒掰搿辰光自行车是每户人家顶贵重个固定资产之一，经济条件稍稍好一眼个人家，会有两辆自行车，夫妻各一辆，“自行车”绝对是可以拿唻炫耀每户人家经济实力个物品。掰搿辰光个男人未必就会比今早仔个男人唻得勤劳整洁，只是因为购买一辆自行车，覅是邪气容易个一桩事体，手里只有钞票也是覅唻三个，还需要“凭自行车票”侪能去购买到。
因为是吾勒上段文字当中讲到个迭个原因，所以讲勒掰搿辰光，再哪能懒惰个上海男人、覅大勤劳个上海男人，只为能够好好较保护好自家屋里向顶贵重个资产之一，更只为能延长自行车个使用寿命，而覅得覅迭能去做。勒掰搿辰光、勒自行车上还会放上一块抹布个，基本浪向小个擦拭天天侪会去做，就是顺便擦拭一把，大擦拭基本浪向是做到一个礼拜一趟，还会完整、仔细、认真个去擦拭一遍，起码也要有两个钟头左右个时长，伊拉会畀整辆自行车擦拭得精光锃亮一尘覅染，每当男人擦拭完车以后，满手侪是会沾满油污搭污渍。
如若讲，勒那些法定休息日个日脚里向，男人覅干各类家务活个辰光，男人又会去做啥么事呢？！伊拉就会去各类旧货市场淘换一眼自家屋里需要使用个各种物品，还有眼小本事个，会去旧货市场去淘个半导体晶体管等各种零件，去组装个小收音机听听。再覅济，啥都侪覅会、啥么事呒没个男人，则会去报刊栏，阅读当天个壁报。
一旦步入到那些春暖花开个好时节里向，对于某些充满生活情趣个人家唻讲伐，同样也会有踏青个辰光，畀过也是属于千年难扳，也覅是属于经常性个活动。覅像今早仔，只要拥有铜钿搭空余辰光，可以到处去旅游，若国内游感到玩腻时，还可以去国外旅游。勒那些单休日个日脚里向，根本就呒没“旅游”迭个概念，去“踏青”也就如同今早仔去旅游一样。“踏青”勒大多数情况下，侪由男人（父亲）带领着。吾还记得有一趟，大概就是勒吾读小学三年级个辰光，家父陆吉良讲今早仔下半日带吾去共青森林公园白相，【备注：勒掰时离吾屋里向顶近个一座公园就是要数杨浦区个共青森林公园。】勒公园划船、坐过两圈卡丁车，整整白相下半日，心里就别提有多么高兴……
四、讲讲自家勒单休日里会做些啥么事
勒国定单休日个日脚里向还要去汏浴个，迭个也可算是一桩头等大事体，勒交关多个小囡身浪向曾经侪生过老白虱，还是搭缺少汏浴绝对是有得关系个。住勒市区里向个居民，屋里是呒没啥个浴缸搭卫生间个，覅管是居住勒郊区个居民，还是居住勒市区个居民，即便是拥有卫生间搭浴缸个屋里向，勒炎热个天气里向还能对付，一到大冬天，必然是难以忍受个，覅像今早仔有空调搭浴霸，掰搿辰光是呒没迭眼么事，只能花1块洋钿去公共浴室汏浴。据说勒顶早个辰光，去公共浴室汏浴，花五分洋钿搭一角洋钿就行，等到吾自家独自一个人也能去公共浴室汏浴个辰光，价钿已经是上涨到一块一趟。勒今早仔也是开设有覅少各种类型个大型浴场，啥个欧洲式个、罗马式个、日韩式桑拿浴，是奔着休闲而去汏浴个，绝覅是冲着去搓老垢个。
勒国定单休日个日脚里向，家父是勒县城上班个，然而吾个家住勒有着“营造之乡”、800多年历史个古镇上，一个礼拜只能回唻一趟，每逢礼拜六侪能回家，每趟到屋里侪是勒夜到头六七点钟左右！
由于家父迭辈子能文覅能武，是属于掰搿辰光大家口中“啥么事也覅会、啥么事侪呒没个男人”，伊只会去耍耍笔杆子，勒第三段里向所写个有关于男人所做个事体，是侪搭伊呒没半丁点关系个。
尽管是迭能，勒单休日个日脚里向，有两桩事体是必做个。
第一就是：每间隔一个礼拜，下半日就会带吾去看伊个奶奶朱义义，还会畀伊购买一眼喫个么事，诸如苏打饼干之类个小零食。
第尼就是：买汏烧，煤饼覅够用勒去煤球店买煤饼，去小菜场买小菜，回唻之后再烧小菜。勒掰搿辰光吾所居住个镇浪有三座小菜场，家父兴趣高涨起唻，会一天去两趟，三座小菜场个距离覅是邪气远，而且还要带牢吾一道去个，每趟去三座小菜场侪要逛到家个，伊可以花忒三四个钟头去买菜，即便一眼也覅买，也要询问一下菜价。
记得勒掰搿辰光，荤菜当中买得顶多个侪是要数带鱼搭公鸡。带鱼中间段交关好个拿唻红烧，头尾邪气推扳个拿唻清蒸蒸。公鸡买回唻自家活杀，鸡个血做道鸡血汤，鸡个内脏会配上花菜去炒一个时鲜，鸡肉一半红烧，另一半配上洋山芋，烧个咖喱洋山芋鸡，难扳也会去买黄鳝个，基本浪向一个季度购买一两趟。掰搿辰光买一趟小菜，要花忒二三十块铜钿，据家父讲二三十块小菜钿可以喫上三四天。
吾认为需要讲清爽个一桩事体，为啥勒吾伲屋里向只会去购买公鸡而覅去购买母鸡啊，为啥要迭能做呢？！侪是因为公鸡尾部个羽毛覅仅是五颜六色个，还适合拿唻做踢个毽子，勒掰搿辰光吾还勒读小学，一到大冬天学校要求男女学生自备（带）一些体育用品，诸如：跳绳、毽子、沙包之类个体育用品，只为能省一眼铜钿，故而用公鸡个羽毛做毽子，由于一只公鸡一次只有一两根羽毛可以留用，其他个羽毛是呒没用场个，故而要收集三四根羽毛侪能去做一个毽子。
至今为止，依旧让吾记忆犹新个一桩事体，迭桩事体就是－－勒国定单休日个日脚里向，人与人之间个关系也要比今早唻得真诚融洽，掰搿辰光覅像今早，是呒没私人电话个，亲朋好友之间个聚会是无须事先打啥个招呼个，想唻就唻想走就走，要是人覅勒拉屋里向，顶多就打道回府。家父个好友蔡洪根每间隔一段辰光就会唻吾屋里谈山海经，而且每趟唻个辰光侪是中浪向，家父总会留伊勒屋里喫一顿午饭。伊还喜好咪一眼小老酒，掰搿辰光家父是覅会喫老酒个，但还是会买几瓶啤酒搭黄酒放勒屋里向，蔡洪根一唻就能咪一眼小老酒，尽管家父是覅会喫酒、滴酒覅沾个，却能允许吾陪着客人喫一杯啤酒！
五、讲讲勒单休日里向自家还会去做啥么事呢
吾是一个土生土长个上海人，吾最初个家就是居住勒原川沙县，现为浦东新区，但凡是对于浦东地区个历史交关了解个人群搭个人，自然就会晓得勒浦东地区是拥有“老八样”美味菜肴个，所谓个“浦东老八样”分别指个就是：“八宝饭”“扣蹄肉”“扣三丝”“走油肉”“咸肉片”“红烧鲫鱼”“蛋饺（卷）”搭“三鲜肉皮汤”，还要外加一只什锦大拼（冷）盆，勒拼（冷）盆个里向，就会放置有“海蜇皮子”“白斩鸡”“猪肝”“肚片”“白切咸肉”“花生米”“松花皮蛋”搭“太仓肉松”……畀过，勒拉上海其他地区个老八样美味菜肴当中，搭浦东地区还是属于略有覅同个地方，伊拉就会得畀或“桂花肉”或“响油鳝丝”或“百叶扣咸肉”等食物算作是老八样。
勒浦东地区个“老八样”美味菜肴当中，每年每逢一到秋冬迭两个季节个辰光，吾伲还会动手去自制蛋饺个。掰搿辰光并覅像今早仔，只要手里攥着铜钿，任何喫个食品搭美味佳肴侪能购买得到个，今早仔勒各类大小型超市个里向，侪会拥有各种现成个半成品食品可以购买，勒那些国定单休日个日脚里向，科技远覅如今早唻得发达，是呒没半成品食品可买个，绝大多数个食品，侪是靠自家做出唻个。
掰搿辰光自制蛋饺，绝对是属于一道功夫菜，还要考验制作者个耐心，呒没一丁点个耐心就做覅好蛋饺，吾伲勒掰搿辰光是用煤球炉子制作蛋饺个。记得蛋饺个制作全过程是迭能个：事先要畀猪肉汏清爽切成肉糜，猪肉个比例是迭能个，70％至80％为精肉，20％至30％为肥肉；勒肉糜里向配有一定比例个“料酒”“盐”“葱”“酱油”搭“胡椒粉”，还要搅拌均匀；所使用个蛋是鸡蛋，畀鸡蛋打散成蛋液，再勒蛋液内加一眼水淀粉，也同样是要搭蛋打散搅拌均匀个，吾还记得掰搿辰光鸡蛋交关厚实，会添加一眼凉白开水；拿一个烧菜用个铁勺子，预先勒火浪烧热，再勒勺子里向抹上一层猪油，放上一调羹蛋液，覅停个旋转勺子使蛋液铺匀，放入适量个肉馅，等到蛋皮凝固，然后畀上下两边对折即可拿出，依次循环往复个去制作，直至畀全部蛋饺侪做好；若是还有剩余个蛋液，吾伲会去做个蛋皮卷。
勒上段文字当中，吾为啥就要花费许多笔墨记录做蛋饺个全过程呢？！侪因为做蛋饺迭桩事体，吾还清爽个去记得迭能一桩事体唻哦，勒那些烧煤球炉子个日脚里向，有一趟家父就教会吾哪能去制作好蛋饺个。覅仅是迭能样子，吾依旧还能清爽个去记得是从中浪向12点钟开始制作蛋饺个，家母倪榴珍勒通常情况是5点半左右就能下班回家个，吾做蛋饺一直做到家母下班回家，之所以由吾唻制作蛋饺，就是因为家父勒伊天仔，讲自家身体感到覅是邪气适意，需要好好较去睏一觉，还告诉吾讲等睏醒以后，自然就会没事个，就让吾唻做。
家父大概是勒12点15分侪开始睏觉个，等到家母回家以后，伊还呒没睏醒，而是畀家母吵醒个，等到吵醒以后家母搭家父之间还是有一些争执覅休个，讲就覅应该让侬个小尼子去做啥个蛋饺……
勒那些国定单休日个日脚里向，一周只能休息一天就显得尤为弥足珍贵，正是因为弥足珍贵个缘故，有些头脑交关活络、人脉关系邪气广泛个人，会想尽一切办法搭手段，畀自加增加休息日，那就是想方设法去混个“病假”或“病休”，找人去托个医生，开一眼头疼脑热个病假，哪怕只能休息半日也是好个，至少勒半日个辰光里向，无须去劳作啥么事，哪像今早仔，真有勒“病休”还未必能休息！
勒那些国定单休日个日脚里向，休息日个一天总是迭能行色匆匆个过去。老底子远覅如今早仔，畀“单休日”一律定义为“休息日”，今早个“两天休息日”定义为“休闲日”，勒休闲日个日脚，假若是碰上心情大好，还假若覅愿意去做家务活个辰光，或一家三口，或约上一帮亲朋好友，去周边个省市唻个休闲游，放松一下心情，畀自家搭家庭唻一个缓冲，以便勒未唻个日脚能走得更好、更为长远！
从“老底子个纯单休日休息日”到今早仔个“纯双休日休闲日”，覅仅是一个时代跨越到另一个时代，更是从“老底子苍白个日脚”跨越到“五彩缤纷色彩斑斓个日脚里向”，彼此之间是一脉相承个，虽然勒那些苍白个单休日休息日里，也有自家个情趣搭趣味，恐怕任凭谁侪覅愿意回到老底子个日脚，顶多也就拿唻回眸一下罢了……
【备注：①：文章为作者原创；②：各种搭文章有关个图片、各种上海市风景图片侪是唻源于网络上头；③：万分感谢原创图片。】
杜老倌侠客居（陆伟）写于2018年12月01日礼拜六夜里向