闽南童谣收集

天黑黑

天黑黑，卜落雨，

海龙王，卜娶某。

龟吹萧，鳖打鼓，

水鸡扛桥目吐吐，

田婴举旗叫辛苦，

火萤担灯来照路，

老鼠沿路打锣鼓，

为着海龙王卜娶某。

鱼虾水卒真辛苦。

丢丢铜仔

火车行到呀伊都，阿莫伊达丢，唉唷碰孔内，碰孔的水伊都丢丢铜仔伊都，阿莫伊达丢仔伊都滴落来

十二生肖相歌

一鼠贼仔名，二牛驶犁兄。

三虎爬山坪，四兔游东京。

五龙皇帝命，六蛇予人惊。

七马走兵营，八羊食草岭。

九猴爬树头，十鸡啼三声。

十—狗仔顾门埕，十二猪是菜刀命。

请外婆。

打铁哥，打铜锣。

买猪脚，请外婆。

外婆无嘴齿，

猪肚炖莲子。

莲子清又甜，

豆腐煮豆生。

豆生真幼嫩，

外婆吃了笑纹纹。

天上一块铜

天上一块铜，掉下来压着人，

人要跑，压着狗，狗要吠，

压着柜(石臼)，柜要撞，

压着经(庙)，经要起(盖)，

压着椅，椅要坐，

压着被，被要盖，

压着鸭，鸭要钛(杀)，

压着死奴才，

死奴才不担水，

抓去拆做四五腿。

指纹歌

一脶一坐座，二脶走脚皮，

三脶无米煮，四脶有饭炊，

五脶五花妆，六脶米头全，

七脶七挖壁，八脶做乞吃，

九脶九上山，十脶去做官。

一螺一直坐

一螺一直坐，二螺撑脚蹄，

三螺无米煮，四螺学喷吹，

五螺偷挖壁，六螺做乞食，

七螺穷，八螺富，

九螺起大厝，十螺中进士。

月光光

月娘月光光，老公仔伫菜园，

菜园掘松松，老公仔欲种葱，

葱无芽，欲种茶，

茶无花，欲种瓜，

瓜无子，老公仔气甲欲死。

数字歌

一的炒你葱，二的炒你菜，

三的锵锵滚，四的炒米粉，

五的五将军，六的人子孙，

七的七娘妈，八的人的仔(儿)

九的狗奴才，十的抓去宰。

一的碰米香

一的碰米香，二的炒韭菜，

三的强强滚，四的炒米粉，

五的五将军，六的做大官，

七的跛在看，八的剩一半，

九的火烧山，十的蚵仔煮面线。

新年歌

初一早，初二巧

初三困到饱，初四顿顿饱，

初五隔开，初六挹肥，

初七七元，初八原金，

初九天公生，初十有食食。

十一请囝婿，十二查某囝转来拜，

十三食泔糜仔配芥菜，十四结登棚，

十五上元瞑，十六拆灯棚。

点仔点

点仔点水缸，啥物人仔放屁烂尻川，

点仔点茶瓯，啥物人仔下暗欲来阮兜

点仔点茶鼓，啥物人仔下暗欲娶某，

点仔点叮当，啥物人仔下暗欲嫁翁，

点仔点铅笔，啥物人仔欲做白贼七，

点仔点滚水，啥物人仔就去做鬼。

天顶一片五彩云

天顶一片五彩云，

海内一只火烟船。

阿爸田头行，

阿母田尾巡。

看见麦穗加忍尊，

大家笑纹纹。

戽虾

戽(抓)虾戽(抓)蛟蚤，

戽(抓)甲三升五米斗。

大尾掠来科(煮)，

细尾放伊走。

走到大门口，

遇着一只胡须狗。

坐牛车

坐飞机看天顶，

坐大船看海涌，

坐火车看风景。

坐汽车钱卡省，

坐牛车顺续挽龙眼。

好子儿

大鸡公，咯咯啼，

做人的子着早起，

举扫帚，去扫地，

提桌布，拭桌椅，

进学堂，勤读诗，

敬老尊贤好教示，

老爸请注意文明用词尚欢喜，

放鸡鸭，

一放鸡，二放鸭，

三分开，四相叠，

五搭胸，六拍手，

七围墙，八摸鼻，

九扭耳仔，十拾起，

来啊!来啊，放鸡鸭

鸡仔鸭仔，走相拍。

当当当补雨伞，

当当当，补雨伞，

大家众人围来看。

看甚乜，看海水，

海水淹大山，同阿骑马去割菅，

割菅好佚佗，骑马拜公婆。

公婆面忧忧，骑马去福州。

福州福健健，骑马去拍战。

围火盆

年兜暝，围火盆，

公担金，妈担银；

老爸惊火熏，

老母笑纹纹；

阿兄跳火圈，

阿嫂烧着裙；

阿叔放炮乒乓叭，

畅煞一刮简子孙。

二十一瘦丑仔

瘦丑仔猴，鼻那流，食芎焦，配土豆，

食西瓜，配菜头，毋是吐，著是漏。

乌头仔车

乌头仔车，车甘蔗，顶头坐一个阿舍。

流鼻蚵，挂目镜，腹肚枵，坐未正，跋落来，哀哀痛。

新年歌

初一早，初二巧，初三困到饱，初四顿顿饱，

初五隔开，初六挹肥，初七七元，初八原金，

初九天公生，初十有食食，十一请囝婿，

十二查某囝转来拜，十三食泔糜仔配芥菜，

十四结登棚，十五上元瞑，十六拆灯棚。

摇囝歌

摇啊摇，阿妈斗挽茄，挽偌济，挽一饭篱，

也欲食，也欲卖。

阿公仔讲欲滚，滚烂烂，一人分一半，

滇满满，一人食一碗。

西北雨

西北雨，直直落。鲫仔鱼，欲娶某。

鮕代兄，拍锣鼓。媒人婆，土虱嫂。

日头暗，寻无路。赶紧来，火金姑。

做好心，来照路。西北雨，直直落。

西北雨，直直落。白鹭鸶，来赶路。

翻山岭，过溪河。寻无巢，跋一倒。

日头暗，欲怎好。土地公，土地婆。

做好心，来带路。西北雨，直直落。

拜月娘

拜月娘，拜月姐；

好头毛，好嘴齿。

嘴齿通吃物!

头毛通梳妆。

您是娘，阮是儿；

您是姐，阮是弟。

通举刀仔，割阮双畔耳；

刀仔利利，割阮无代；

刀仔钝铊，割阮无痕。

安舅来

安舅汝来我晦知；

我唛掠鸡来去台(杀)。

鸡犹细，换买虾，

虾细尾，换炊粿。

粿无熟，换买肉；

肉抹烂，换面线。

面线长，换买糖；

糖乌乌，换买大鱼箍。

大箍呆

大箍呆，炒韭菜，烧烧一碗来，冷冷我无爱。

坐牛车

坐飞机看天顶，坐大船看海涌，坐火车看风景。

坐汽车钱卡省，坐牛车顺续挽龙眼。