天天粤语【恭喜发财】

　　【恭喜发财】[gung1 hei2 faat8 tsoi4] 其实呢个词冇乜好讲，因为呢个词普通话都有，不过广东人可能会用得更为亲切一啲。因为广东人除咗讲“新年好”之外，就系讲“恭喜发财”，有时“恭喜发财”使用嘅频率甚至重高过“新年好”，好多人过年一见到面开口就直接话“恭喜发财！”。

　　今次推送除咗趁住春节想认真教下大家呢个词用粤语点讲之外，重想喺度同大家拜个年。呢个词嘅发音类似：“公嘿发choi”（用广东话或者普通话读都可以）。更为标准嘅读音可以研究下开头写嘅粤语拼音。以后识用啦，记得拜年嘅时候多啲用广东话讲，兜口兜面就同人讲恭喜发财。

　　真心祝大家新嘅一年身体健康啦，乜嘢都顺心顺意。希望大家可以一如既往噉关注我同支持我。今年嘅央视春晚多咗好多粤语嘅元素，证明粤语嘅影响力确实喺度慢慢噉增大，希望呢个系一个好嘅现象啦。祝福新嘅一年粤语可以更进一步，发扬光大，更多人关注粤语呢种咁珍贵嘅语言。