若无烦事挂心头

   

图片发自App

     春有百花秋有月，夏有凉风冬有雪，若无烦事挂心头，便是人生好时节。”呢首诗系宋代无门慧开禅师嘅一首诗偈。意思系：只要能抛开俗念琐事，就可以体会到春夏秋冬四季唔同嘅美。可能系现代商业社会节奏加快以及浮躁加剧同纠纷增多，近来大家常常喜欢引用后两句，喺各种场合发出无奈嘅感慨，同时表达对悠闲舒适同轻松自在嘅向往。

   感慨也好，向往也罢，一年三百六十五日烦事常态化系必然嘅，兵来将挡，水来土掩，积极面对，妥善处理就系嘞。然而现实中存在两种过分嘅态度。一种系过“油”：要理嘅尽量唔理、少理或迟理，需要做嘅能推就推，可拖则拖，比如有啲有关部门个别人员，做一日和尚撞一日钟，对群众再大再急之事，巧推妙卸唔上身，耍完太极玩游戏。呢方面嘅典型就有报道：7月3日下午，广州市委礼堂大堂摆出广州第一期整治庸懒散奢“机关作风曝光台”情况，包括省、市暗访发现嘅庸懒散奢案例以及市直机关工作人员上班时间喺办公室观看与工作无关嘅视频、玩游戏、看股票行情案例。

   另一种态度则相反，是过“忧”。成日忧心忡忡，愁眉深锁，冇事怕出事，有事怕大事；或者庸人自扰，杯弓蛇影，将细夸大为巨，将少扩大为多，将简单当成复杂甚至将以后先要需要考虑嘅事都提前摞嚟烦恼。

   曾经听过一个故事：一名旅客喺荒漠入面，突然后面一群饿狼追来，佢搏命咁跑，当见到前面有口井，便不顾一切噉跳落去。点知井内有好多毒蛇，正昂首吐舌，佢急忙伸手抓住一棵喺井中间横伸出来嘅小树，先至稳喺半空处。上有饿狼，下有毒蛇，旅客虽陷身喺进退两难嘅绝境，但暂时仲系安全嘅。就喺佢松咗一口气嘅时候，发觉有一只老鼠正以尖利嘅牙齿咬住树根，呢救命嘅树都时间无多喇。就喺呢生死一瞬嘅时刻，佢见到咗眼前树叶上有一滴蜜糖，于是佢忘记咗上面嘅饿狼，下面嘅毒蛇，亦唔记得就嚟畀老鼠咬断嘅小树，合埋眼，伸出脷，全心全意去品尝蜜糖。关键时刻天落暴雨，狼走咗，蛇走埋，人从水满嘅井内浮上嚟喇。

   事后大家问佢点解生死关头仲有心情食蜜糖，佢话都已经坏到呢一步喇，仲会再坏到边到啊，既然只能听天由命又何必浪费呢？其实佢正是靠乐观豁达先坚持到最后。

面对烦事，从容淡定；不应过“油”，不要过“忧”；喺适当嘅时候做适当嘅事情。人嘅一生，正系难题烦事不断出现又不断加以解决从而不断进步提高嘅过程。