[港式散文]空气质素

图片发自App

今朝出街行咗转，去咗天河体育西附近，在街上行咗都冇两个钟，已经觉得几攰。心生一念，就睇下空气指数；一睇就明白咗啲嘢，今日出街之所以咁攰，可能同空气差都有啲关，今日空气污染指数系：152，所谓中度污染。

嚟咗广州先特别留意空气，因为以前成日听人讲国内空气污染严重，成日有咩雾霾天气，又话北京出街要戴N95，听落都几恐怖。不过平常成日匿喺office，冇乜几何见光，又真系唔觉话空气好差，感觉同香港差唔多。不过睇读数的话，明显香港"好空气"的日子系多啲，比如今日：

图片发自App

呢个系几常见的"北上广深(深水埗:-P)"指数比较，香港的深水埗都系人多车多地区，不过空气污染指数见"绿"的机会都系比天河区多点。

图片发自App

在下用呢个app叫"asia air quality亚洲空气质量"，有得为每个城市加一个widget，即时更新数据。在下每日都会望下，比较下几个有朋友生活嘅城市，有时觉得在广州生活都叫唔错，比码空气比另两个"大都市"好少少先，以下系旧年一张截图：

图片发自App

听北京住嘅friend讲，over 700都唔系咩奇事......

又听过老广讲，虽则话广州同香港空气指数数字上差不远，但空气成份都系有啲分别，广州空气悬浮粒子比例更多，污染物多啲云云。呢个在下信，因为都系差空气，但在下喺天河行两个钟会觉得眼涩口干成头笠黐黐，喺香港太子旺角就行大半日先有咁嘅征状。

另一样广州空气感观较差啲嘅原因，在下觉得系同啲人食烟有关。香港所有屋村范围都系"不食人间烟火",可以话政府公营屋苑范围嘅空气接近无烟。广州呢一样就衰好多，小区内外都经常有人食烟，甚至有人喺电梯大堂等住烟等升降机。呢样真系好乞人憎：你鍾意食就返自己屋企煲饱佢，做乜侵犯人吸新鲜空气嘅权利？此等行为同性侵差之无几，可谓贱。在下仲留意到一样嘢，香港人食嘅烟通常少啲烟，又冇咁大味。好有机会系因为香港人食嘅通常系进口货，四五十港元包，焦油含量管制严谨；而广州呢度，据闻平均系十多rmb，最平甚至四五元一包，大多数系国产嘢，断估质素系低啲，事实都见到啲烟散得比较慢，可能因为噉对空气损害都大啲。

如果有一日，广州全城都可以"不食人间烟火"，在下唔敢话空气质素会好好多，不过，"无烟城市"畀人嘅观感肯定系好既。