氹老婆的笑話情書 (港式口語風格冩作) - 第七章
2202Feb22 凌晨
22號凌晨時分殺手「禽獸」起身扮靚,趕去機場搭今朝5點起飛去非洲剛果嘅飛機。 原本諗住冇人搭嘅飛機,南非航空登機櫃位前竟然大排長龍。「禽獸」當然冇留意到兩日前世衛「啖得菜」發緊急新聞,表示未明原因下近日前往非洲剛果避疫人數急增,由於非洲嘅接種率仍然偏低,雖然未有發出旅遊警示,但呼籲各國市民如無必要切勿被誤導前往非洲剛果。各國官員亦同時表示住剛果的航運力在未來兩星期亦已見飯和。呢個星期不停打針嘅「禽獸」,由於大量溝針有極強反應,個人懵下懵,溝針包括新冠、黃熱、 甲形流感、及其它聽都未聽過嘅。前幾曰打完針「禽獸」行過商場見到生果皇后鋪頭嗰兩隻唔知是熊是狗的巨大吉祥物,想到非洲素食動物應該無食過澳洲塔斯曼尼亞車厘子,又想買一啲Ａ５和牛畀獅子老虎等地唔洗走呢走去覓食噉辛告，但又怕地食唔慣雪藏肉。唔經唔覺行到芷荺嘅韓紅印店內,「啊!」一聲,聰明嘅,終於開竅,動物擸食喺天性,唔應該買和牛,應該買高麗㟥畀獅子老虎補補氣,一諗到可以同殺手女皇一齊派呢啲禮物俾班可愛嘅野生動物,就旁若無人甜思思笑出聲。
23號到步嘅「禽獸」推测女皇會入住剛果野生動物園酒店,所以想預約樹屋,但早已爆滿,只能入住當地市區比較密集的旅館酒店單人房。剛果無啦啦多咁多外來人,實情係因為殺手女皇要去非洲「公幹」嘅事走漏風聲,大批女皇嘅觀音兵及一眾想分一杯羹嘅殺手蜂擁而來。話說「禽獸」為咗完成疫苗接種,去咗搵一位叫「巫德」嘅醫生,巫醫生門口同一般診所冇分別,都係寫住乜乜大學內外全科,乜乜密密外國大學專科醫學文憑,但係最奇特嘅喺門口掛LED招牌「打針聖手」,呢位醫生平時只睇傷風感冒同幫人打針,因為壓力唔大;佢嘅得意絕技係睇病完全唔需要睇人,望聞問切通通無,只喺篤電腦,同病人講呢個係世衛最新指引防止病毒傳染。就喺離開診所前,姑娘問「禽獸」點解日日嚟打唔同嘅針, 甜思思嘅不經意講, “我嘅女皇約我去非洲剛果公幹兼派禮物比野生動物。”咁啱畀另外一位呢打疫苗嘅殺手聽到,在奸笑聲中件事就咁揚曬出去。
「禽獸」發現在剛果行經嘅每個角落都有殺手隱藏,非常唔尋常。搵齊世界各地相識嘅二五仔搭上塔都無法知道女皇在剛果嘅下落,怕女王有危險,於是用隨身嘅衛星電話打畀女皇,為咗安全起見要先報上地區+個人保安暗號,一接通「禽獸」講, “非洲剛果月亮代表我的心! ”接到呢個電話嘅殺手女皇,由原本在家中放鬆心情,膚緊臉部海底泥Mask,突然全身打冷震,精神繃緊答, “有事快啲講”,「禽獸」急問,“妳而家身在何處,有冇危險,我可以提供緊急支援! ”殺手女皇呆一呆答, “我唔喺非洲。”「禽獸」即時講,“難怪,一定係走漏咗風聲,妳單買賣取消咗! ”殺手女皇剛想返起16當曰號打發呢個人嘅事,只係簡單答, “係”,禽獸即刻和應, “妳嘅決斷好英明,呢度有好多殺手,未知敵我,有啲都幾熟口面`!”女皇好奇問, “咁佢哋而家喺邊度? ”「禽獸」答, “隔離房!”雖然「禽獸」只係二三線觀音兵,但係自己一句妄言,害咗「禽獸」喺非洲染疫併且傳染給其他人就唔好,於是殺手女皇發出莊嚴又磁性嘅聲音命令禽獸, “唔好問咁多,搭最早嗰班機返嚟! ”之後女皇就cut咗線, Mask時間夠要去洗淨。 雖然cut咗線,但「禽獸」覺得好窩心,諗女皇關心自己係呢度同大批殺手周璇,會有危險!就甜絲絲漏夜係電腦面前預訂回程機位,同時安排將果兩噸仍然係機塲送畀野生動物嘅禮物轉贈當地保護動物組織跟進。