你有陣時留戀我，有陣時留低我

又到咗一年唔知要打幾次嘅颱風登陸，少有嘅係今次堅係停工停學，朋友圈一片歡騰，直頭開心到要對住妮妲唱『愛我別走』。

聽聞今日各大超級市場都畀人洗劫一空，擺到爛嘅隔夜菜都清埋倉，真係不搶不是中國人。雖然細細個睇tvb教落做人要識得「積穀防飢」，但係呢個moment啱用咩？唔通大家都諗住呢個紅色波會打返一頭半個月？我順手數一數自己個雪櫃，竟然得返4支酒6盒檸檬茶18支雪條同一嚿兩位貓大王嘅專用雞胸！所以必要時……我飲多兩啖檸檬茶囉。

你兩個就打風都打唔甩㗎啦

點都好，作為一條冇工可以返嘅廢青，呢一刻我嘅願望除咗想世界和平之外，同時熱切地希望聽晚瞓醒，呢個颱風已經                    zx              （屎霸留），唔好阻住我落街買奶茶。