童話幻滅-「錯就要認，打就企定」

「好男人就是我，我就是曾小賢」呢句經典臺詞當年風靡全國，而曾小賢嘅扮演者「陳赫」亦因此一炮而紅。

已經N耐無打開微博了，但系「陳赫」嘅「醜聞」依舊鋪天蓋地般進入我視線內，熱門話題由「陳赫離婚」到「陳赫出軌」，而當事人嘅微博，由「我錯了」到曬出自己同前妻嘅離婚協議書，一時間，朋友圈、微博又被「再也不相信愛情了」、「好男人已死絕」呢D負能量刷屏，呢個場景是否有D似曾相識呢？

舊年，「文章＆姚笛」嘅醜聞被曝光時，各大社交網絡討論區都系咁嘅光景，估唔到事隔未到一年，又一位以「好男人」打響知名度嘅藝人，被狗仔偷拍到其與合作女拍檔「婚內出軌」鐵證嚟揭開2015年八卦大戲。都話「看戲的不嫌事大」，網友不單止踩爆當事人「陳赫」、「許婧」、「張子萱」、「楊一柳」嘅微博，就連「文章」、「姚笛」、「馬伊琍」呢D舊聞當事人都無法倖免。

兩單醜聞都系「全民好男人」嘅男主角被狗仔拍到同第三者婚外情嘅視頻，而醜聞曝光前，呢兩位「最佳男主角」都扮演著「愛妻住家好男人」嘅角色，喺公眾面前扮曬恩愛，但依家睇翻，簡直就系應咗個句，「秀恩愛，死得快」。

不過呢次，由於醜聞主角雙方都系已婚人士，所以事件系涉及到兩個家庭，而男主角所謂嘅「與初戀女友13年愛情長跑終修成正果」，喺各大傳媒節目上嘅「愛妻宣言」，微博上show出恩愛嘅過往，被包裝成童話般嘅經典愛情故事，此時此刻都已變成「笑話」。

點解世界上咁多結咗婚嘅人不顧世俗道德甚至法律嘅約束背叛伴侶去偷食，但唯有呢D作為公眾人物嘅藝人俾人鬧得咁慘咁撲街咧？

據陳嘅「聲明」可知，其與前妻半年前就已商量離婚事宜，但呢半年我哋從媒體上睇到嘅佢，喺舊年8月出咗本「守得住才叫愛」嘅書，講述與「愛妻」13年嘅「堅守」，仲要攜「前妻」上綜藝節目秀恩愛，雖然此時此刻佢苦心經營嘅「好男人」形象已全然坍塌，但不得不承認，佢真系一個好演員。

曾經令大家羡慕嫉妒恨的「愛情童話」幻滅，原來「好男人」都會變心，都會出軌，逃得過七年之癢卻可輕易地背叛十四年嘅感情，令一眾感動于其螢幕角色嘅粉絲心碎不已。

不得不說，粉絲，真系可以將你捧上天，亦都可以踩你入泥，神一般嘅存在。

一個藝人既然系靠「好男人」嘅招牌嚟搵食，一旦無咗呢個招牌，一沉百踩在所難免。就如當初「豔照門」事件中，一向以「玉女形象」示人嘅「阿嬌」，隱私毫無保留地曝光喺公眾面前，受到最多最難堪的指責，幾乎令人忘記，其實佢系呢次事件嘅「受害者」。

華人社會對女性的道德要求苛刻過男性系不爭嘅事實，近年諸多醜聞事件中受到指責嘅往往系女性，就呢次事件，甚至有「陳」嘅粉絲會為咗幫偶像辯白，指責系「張」勾引「陳」在先，甚至在「張」微博上祭出各種惡毒嘅謾罵。

咁佢哋有無做錯啊？三觀正常嘅人都分辨得出，系婚姻關係未正式解除之前嘅出軌都屬不道德行為，作為公眾人物，呢種不道德嘅示範更「罪加一等」，所以，各種道德上嘅指責系你哋應得嘅。「錯就要認，打就企定」啊嘛！

好多人以為愛情好似電視劇咁，相識，拍拖，結婚，「結婚」系兩個人嘅結局，其實，呢個先至系兩個人嘅開始。

而「離婚」亦系兩個人一件非常正常兼私人嘅事，尤其系呢幾年，經歷咁多對所謂嘅「娛樂圈模範夫妻」一拍兩散后，大家應該冷靜咁將演員同其塑造嘅角色切割，佢哋嘅一言一行，往往都系做緊戲。無謂將自己嘅「愛情觀」寄託喺藝人身上，非常同意個句：「只要你爺爺奶奶還好著，外公外婆還好著，爸爸媽媽還好著，你就應該相信愛情」。